Nyuma yo gutandukana na Mashami Vincent, wari umaze imyaka itatu atoza Police FC, iyi kipe y’abashinzwe umutekano yatangiye gutekereza ku batoza bashya bayifasha mu mwaka w’imikino utaha. Mu mazina amaze kuvugwa cyane harimo Umunya-Maroc Adil Erradi Mohamed, Umunya-Tunisia Ben Moussa, ndetse n’Umunye-Congo Guy Bukasa.
Adil Erradi Mohamed si mushya muri ruhago nyarwanda kuko yigeze gutoza APR FC hagati ya 2019 na 2022. Ubu ari mu batoza bashobora guhabwa amahirwe yo kuyobora Police FC mu mwaka w’imikino wa 2025/2026.
Undi mutoza uri kwifuzwa ni Ben Moussa, Umunya-Tunisia, nawe wahoze atoza APR FC. Uyu mutoza aravugwa mu bakinnyi b’imbere bashobora gusimbura Mashami Vincent, nyuma y’uko iyi kipe itageze ku musaruro wifuzwaga.
Guy Bukasa, Umunye-Congo watoje amakipe nka Rayon Sports na AS Kigali, nawe ari mu biganiro na Police FC nk’uko amakuru abivuga. Uyu mugabo afite uburambe mu mupira w’amakipe yo mu Rwanda, bikaba bituma agirwa umwe mu bashobora kugirirwa icyizere.
Ibi byose bije nyuma y’uko Mashami Vincent yemeje ko yatandukanye na Police FC, abinyujije mu butumwa yashyize ku mbuga nkoranyambaga ze. Mashami yari amaze imyaka itatu muri iyi kipe, ariko ntiyabashije kuyigeza ku ntsinzi zifatika.
Police FC ubu irimo gutegura neza uko yazahura ikipe, ikagira umutoza mushya ushobora kuzana impinduka no kuyifasha guhatanira ibikombe mu mwaka utaha w’imikino.
