Umukino wa nyuma w’Igikombe cy’Amahoro wabereye kuri Stade Amahoro ku Cyumweru, urangira APR FC itsinze Rayon Sports ibitego 2-0, maze itwara igikombe mu buryo budasubirwaho. Ni umukino waranzwe n’amahane n’amarangamutima menshi, cyane cyane ku bakinnyi ba Rayon Sports, byanageze aho habaho gushyamirana hagati yabo.
Ibitego byombi byatsinzwe mu gice cya mbere. Djibril Ouattara yafunguye amazamu hakiri kare ku munota wa 5, atsinda igitego cya mbere nyuma yo gucenga ba myugariro ba Rayon Sports. Mugisha Gilbert yatsinze igitego cya kabiri ku munota wa 30, ahamya intsinzi ya APR FC.
Nyuma y’umukino, abakinnyi ba Rayon Sports, rutahizamu Biramahire Abeddy na mugenzi we Elanga-Kanga, bashyamiranye bikomeye hafi yo gukubitana, ibintu byakomeraga iyo hataba ubwitabire bw’abakinnyi ba APR FC bahise bihutira kubakiza. Si ubwa mbere aba bakinnyi bagaragaye mu kutumvikana kuko na mbere y’uko umukino urangira bari bagaragaje amagambo akomeye hagati yabo.
Amashusho y’iri turu rya nyuma y’umukino yagiye hanze, yerekana ko habaye umwuka mubi mu ikipe ya Rayon Sports, nubwo rutahizamu Biramahire Abeddy yari amaze iminsi yitwara neza atsindira iyi kipe ibitego by’ingenzi.
Ibi bibaye mu gihe benshi bategereje igisobanuro cy’ubuyobozi bwa Rayon Sports kuri iki kibazo, ndetse hakaba hakenewe igikorwa cyo gukemura ibibazo by’imibanire mu bakinnyi mbere y’uko biteza ingaruka ku musaruro w’ikipe.
