Sadate Munyakazi yagaragaje ubushake bwo gushora amafaranga menshi muri Rayon Sports, aho yatanze offer ya miliyari 5 ifite amabwiriza azwi nk’“Offre ya Zahabu kuri Murera.”
Ibikubiye muri iyi Offer
- Miliyari 1 izasaranganywa Fan Club kugira ngo zihabwe agahimbazamusyi.
- Miliyari 1 izishyurwa amadeni y’ikipe kugira ngo haboneke ubukungu butajegajega.
- Miliyari 3 zizashorwa mu ikipe mu gihe cy’imyaka 3, bivuze miliyari 1 buri mwaka.
- Fan Club zizakomeza kubaho ariko nta musanzu zizongera gutanga; ahubwo Sadate azajya azisura bakorane ibirori.
- Ubuyobozi buzashyirwaho bugizwe n’abashoye amafaranga menshi muri Murera.
- Abafatanyabikorwa ba Rayon Sports, cyane cyane Umufatanyabikorwa mukuru, bazahabwa serivisi z’agahebuzo.
- Hazashyirwaho umurongo utishyurwa wo gutanga ibitekerezo, bikuraho kugendera ku maradiyo amwe n’amwe.
- Ikipe izahabwa ibyangombwa byose by’ibanze kugira ngo ibe igikoresho cy’ibanze cya siporo nyarwanda.
- Nyuma y’imyaka 3, hazashorwa izindi miliyari 5 kugira ngo ikipe ikomeze gutera imbere, hanashinzwe andi makipe nka Volley, Basket, Amagare, n’izindi disciplines.
- Rayon Sports izajya ikina imikino mpuzamahanga igendera mu Private Jet ya Sadate, ifite Bus igezweho, Ambulance 2, Staff Van 2, Moto ebyiri ziyatangira imbere.
Ibyitonderwa (NB):
- Iyi offer izamara igihe kugeza ku wa 25 Ukuboza 2025, aho Sadate yifuza kwizihiza isabukuru ye ari kumwe n’abakunzi ba Rayon Sports.
- Mu gihe ibiganiro byibanze bitanga ikizere, azahita ashyira muri Rayon Sports miliyoni 100 zo gufasha ikipe kurangiza shampiyona neza.
- Niba ikipe itwaye igikombe, offer iziyongeraho 20%; niba itagitwaye, offer izagabanukaho 20%.
Ba-Rayon, iyi offer murayemera?