Mu ntambara imaze iminsi ishyamiranyije Israel na Iran, iki gihugu muri Kamena cyateye missile zikabakaba 400 muri Israel ndetse cyoherezayo drone nyinshi ku buryo nibura missile zigera kuri 35 zabashije guhamya igipimo zishwanyaguza ibikorwaremezo zinatwara ubuzima bw’abantu nk’uko bivugwa n’ubuyobozi bwa Israel.
Muri iyi nkuru, turagusangiza amafoto atandukanye agaragaza ubukana bw’ibisasu Iran yateye muri Israel n’ukuntu byahinduye icyo gihugu ivu bigasiga bishyize hasi ibikorwaremezo bitandukanye, bikanahitana ubuzima bw’abatari bake ku buryo igihugu cya Israel kitari cyarigeze guhura n’akaga nk’ako mu mateka yacyo.
Ibisasu bya Iran byangije inyubako zo muri Israel mu buryo bukomeye cyane
Uyu mugore yahungishije imbwa ye mu buvumo buri munsi y’inzu aho abaturage ba Israel bahungira mu bihe bidasanzwe by’intambara
Umusirikare wa Israel hafi y’imodoka yangijwe na missile zatewe ku nyubako zo guturamo i Tarma mu Majyaruguru ya Israel
Ayu na we yarebaga akaga kari kugwira Israel mu buryo batari barigeze babona mu mateka yabo
Umunya-Israel yitegereza ahazamukaga imyotsi itewe na missile Iran yateye ahitwa Herzliya ku wa 17 Kamena 2025.
Uyu mugore yabuze uko yifata ubwo yajyaga guherekeza Bella Ashkenazi wiciwe mu rugo iwe n’igisasu cyatewe ahitwa Holon muri Israel ku wa 16 Kamena.
Yananiwe kwakira urupfu rw’abo mu muryango we barimo abakobwa be babiri
Inyubako zo guturamo zahindutse umuyonga
Missile zatewe i Tel Aviv ku wa 13 Kamena zazamuye imyotsi myinshi muri aka gace
Ibikorwa by’abashinzwe ubutabazi ntibyari byoroshye nyuma y’ibitero bya missile byo ku wa 15 Kamena
Abashinzwe ibikorwa by’ubutabazi ubwo barimo bafasha umugore wakomerekeye mu bitero Iran yagabwe muri Haifa
Ubuvumo bwo munsi y’amazu bwabaye amakiriro y’ubuzima bw’abanya-Israel benshi
Ubwo aba bantu bari baje kwihera ijisho ukuntu ishuri ryigisha iyobokamana ryangirijwe bikomeye na missile zatewe muri Israel ku wa 16 Kamena.
Israel ntako itagize ngo irwane ku baturage n’ibikorwaremezo byayo ariko Iran yateranye ubukana bwinshi
Imiturirwa yakabakabaga ibicu yahinduwe umuyonga n’ibisasu byaturutse muri Iran ku wa 15 Kamena
Mu kirere cya Tel Avuv byari ibicika ku wa 15 Kamena ubwo Israel yageragezaga gupfubiriza mu kirere ibisasu byoherejwe na Iran
Ibisasu Iran yateye byose ntibyageze ku gipimo kuko ibyinshi Israel yabishwanyagurizaga mu kirere
