Umutuzo wongeye kugaruka kuva ku gicamunsi cyo kuri uyu wa Mbere, itariki ya 9 Kamena, mu mujyi wa Nyamilima, ku birometero 40 uvuye i Kiwanja, muri Gurupoma ya Binza (Teritwari ya Rutshuru), muri Kivu y’Amajyaruguru, nyuma y’imirwano ikaze yamaze amasaha arenga atatu hagati ya AFC / M23 hamwe na FDLR ifatanije na Wazalendo.
Guturika kw’intwaro ziremereye ndetse n’izoroheje kumvikanye muri uyu mujyi w’ingenzi, bitera ubwoba mu baturage.
Amakuru agera kuri actualite.cd avuga ko umukobwa ukiri muto yafashwe n’isasu rimusanze iwabo arapfa.
“Hari nko mu ma saa tatu za mu gitondo ku isaha yaho ubwo Wazalendo yinjiraga mu mujyi wa Nyamilima. Byakurikiranye no guturika kw’intwaro ziremereye n’izoroheje kugeza saa 11h00 za mu gitondo. Abantu ba AFC / M23 babasubije inyuma kugeza mu ishyamba. Umutuzo wagarutse mu mujyi kuva nyuma ya saa sita. Icyakora, ku byerekeye umubare w’abapfuye, umukobwa muto yapfuye. Yakubiswe n’isasu.”
Amakuru ava kwa mugaga yemeje urupfu rw’uyu mwana, ufite nibura imyaka 13, kandi avuga ko Wazalendo yongeye kugaba igitero, ishaka kongera kwigarurira Nyamilima.
Umukozi ushinzwe ubuzima muri ako karere yagize ati: “Ibi ni ugucengera gusa kw’ihuriro rya FDLR na Mai-Mai. Kandi kuraswa kw’intwaro ziremereye n’izoroheje kwakomeje kugeza saa 11h30 za mu gitondo. Kugeza ubu, ibintu biratuje kubera ko abagabye igitero basubiye muri parike, bakurikiranwa n’inyeshyamba za AFC / M23. Umubare w’abapfuye ni umukobwa w’imyaka 13 wafashwe n’isasu ryazimiye iwabo.”
Iyi mirwano yabereye muri Gurupoma ya Binza ije mu gihe imishyikirano hagati ya Kigali na Kinshasa, bigizwemo uruhare na Doha, igenda itera imbere nk’akanyamasyo. Kuri iki cyiciro, abunzi basabye intumwa za DRC n’u Rwanda kujya kuvugana n’inzego zibakuriye kugira ngo bahuze ibitekerezo mbere yo gusubira ku meza y’ibiganiro.
