Umukino w’amateka uzahuza Rayon Sports na APR FC uteganyijwe ku wa 7 Ukuboza 2024 kuri Stade Amahoro, guhera saa kumi n’ebyiri z’umugoroba (18:00). Uyu mukino, uzwi nka Derby de Mille Collines, ni umwe mu mikino yihutirwa kandi itegerejwe cyane mu mupira w’amaguru mu Rwanda, aho izi kipe zombi zihangana mu buryo bukomeye ku kibuga no hanze yacyo.
Rayon Sports yamaze gushyira ahagaragara ibiciro by’amatike, kandi abakunzi b’umupira w’amaguru bafite amahitamo yo kugura amatike hakiri kare cyangwa ku munsi nyirizina w’umukino. Ikipe itangaza ko abafana bazitabira hakiri kare bazabona amatike ku giciro gito, mu buryo bwo kubashishikariza gutegura neza urugendo rwo kwitabira uyu mukino.
Ibiciro by’abazagura mbere y’umukino (Early Bird):
VIP: 20,000 RWF
VVIP: 50,000 RWF
Executive Seat: 100,000 RWF
Sky Box: 1,000,000 RWF
Regular: 3,000 RWF
Ku rundi ruhande, abazagura amatike ku munsi w’umukino bazatanga ibiciro binini ugereranyije n’abaguze hakiri kare.
Ibiciro by’abazagura ku munsi w’umukino (On Gate):
VIP: 30,000 RWF
VVIP: 50,000 RWF
Executive Seat: 100,000 RWF
Sky Box: 1,000,000 RWF
Regular: 5,000 RWF
Kugura itike hakiri kare si uburyo bwo kuzigama gusa, ahubwo binafasha kwirinda imirongo miremire ku marembo ya stade ku munsi w’umukino.
Uretse amafaranga y’amatike, Rayon Sports irateganya kwinjiza arenga miliyoni 50 z’amafaranga y’u Rwanda azaturuka mu baterankunga bayo kuri uyu mukino. Ibi birerekana uruhare rukomeye Derby de Mille Collines igira mu iterambere ry’umupira w’amaguru mu Rwanda.
Abaterankunga bagaragaje ubushake bwo gushyigikira uyu mukino kubera igikundiro Rayon Sports ifite n’umuco w’ubufatanye ikomeza kugenda yubaka mu bafana bayo. Iki gikorwa gifite uruhare mu kuzamura imyumvire n’ubushake bwo gushora imari mu mikino itandukanye mu Rwanda.
Imikino ihuza Rayon Sports na APR FC ikunze kuba ishyushye kandi yuzuyemo ishyaka rikomeye. Ikipe zombi ziri mu myiteguro ikomeye, kandi abafana bazo biteze guhatanira intsinzi. Umwuka w’uyu mukino niwo uzaba urimo byinshi, aho buri wese azaba ateze amatwi ngo arebe uko amakipe azitwara mu kibuga.
Uyu mukino ni kimwe mu bikorwa bikomeye mu mupira w’amaguru mu Rwanda, kandi abakunzi b’amakipe yose barasabwa kwitabira ari benshi. Derby de Mille Collines ntabwo ari umukino gusa, ahubwo ni igikorwa gihuza imbaga y’abafana n’abakunzi ba ruhago, kikaba umwanya wo kwishima no kwerekana urukundo bakunda amakipe yabo.
Ni bwo buryohe bwa ruhago mu Rwanda! Mube mwayabitse, Derby yahumuye!
