Neymar Junior ukinira Santos FC y’iwabo muri Brésil yanduye Covid-19 nk’uko iyi kipe yabitangaje.
Mu itangazo yashyize hanze, iyi kipe yavuze ko uyu rutahizamu wayo yanduye Covid-19 ndetse ko yatangiye kugaragaza ibimenyetso kuva ku wa Kane tariki ya 5 Kamena 2025.
Biteganyijwe ko Neymar azongera gupimwa ku wa Mbere, tariki ya 9 Kamena 2025.
Icyorezo cya Covid-19 cyateye Isi kuva mu mpera za 2019 giturutse mu Bushimwa. Cyaje gukwira ku Isi yose ndetse kirayishegesha bikomeye kugeza mu 2021.
Kugeza ubu, ubwoko bushya bw’iyi virusi bwiswe NB.1.8.1, bubarirwa ku rugero rwa 10% by’ubwandu bwose ku Isi, kandi bwamaze kuboneka muri Irlande y’Amajyarugu na Pays de Galles.
OMS ivuga ko Covid-19 ikomeje kwihinduranya guhera muri Mutarama na Gicurasi. Ubwoko buriho muri iki gihe bivugwa ko aribwo bwihuta cyane mu gusakara mu bantu.
Kuva muri Mutarama 2025, ubwoko bwa Omicron bwakwirakwiye mu turere twinshi twa Leta Zunze Ubumwe za Amerika, muri Australie, Thailand, kandi ni bwo bwoko buri ku isonga mu Bushinwa no muri Hong Kong.
