Umukinnyi w’Ikipe y’Igihugu ’Amavubi’, Rafael York, yerekeje muri ZED FC yo mu Cyiciro cya Mbere mu Misiri, avuye muri Gefle IF yo muri Suède.
Mu ijoro ryo ku wa Kane, tariki ya 6 Gashyantare 2025, ni bwo iyi kipe yatangaje uyu mukinnyi ibinyujije ku mbuga nkoranyambaga.
Uyu mukinnyi agaragara mu mashusho avuga ko yishimiye kwerekeza muri iyi kipe, akanagaragara mu mafoto ahabwa ikaze.
York yakinnye igihe kinini muri Suède, aho yanyuze mu makipe nka Sandvikens IF, IFK Värnamo na AFC Eskilstuna.
ZED FC uyu mukinnyi yerekejemo, ni ikipe idafite ibigwi bikomeye mu Misiri. Muri shampiyona y’uyu mwaka iri ku mwanya wa 12 mu makipe 18, aho ifite amanota 14 mu mikino 11 imaze gukina.
