Nyuma y’ukwezi n’igice arwaye kubera imvune, rutahizamu w’Umunya-Uganda, Charles Bbaale, yanditse ibaruwa asaba gutandukana n’ikipe ya Rayon Sports.
Uyu mukinnyi yavunitse tariki ya 24 Ugushyingo 2024 mu myitozo yiteguraga umukino wahuje Rayon Sports na Gorilla FC. Kuva icyo gihe, ntiyongeye kugaragara mu mikino ndetse biragaragara ko iyi mvune yamubujije kongera gukora ibyo akunda mu kibuga.
Nubwo yari umwe mu bakinnyi Rayon Sports yari yitezeho byinshi muri shampiyona y’uyu mwaka, ubu icyemezo cye cyo gutandukana n’iyi kipe gishobora gutungura abafana ndetse n’abakunzi b’iyi kipe. Gusa biracyategerejwe kumenya niba Rayon Sports izemera ubusabe bwe cyangwa niba bazagerageza kumusubiza mu nzira yo gukira no gukomeza gukinira ikipe.
Hari abibaza niba uru rugendo rwa Charles Bbaale muri Rayon Sports rwaba rugeze ku musozo, cyangwa niba haba hari ibindi bibazo byihishe inyuma y’iyi mvune n’icyifuzo cye cyo kuva muri iyi kipe.
